E dërrmuar dhe e shpërndarë nga presioni i brendshëm LSI-ja po tenton të largojë vëmendjen nga problemet e saj duke i çuar në drejtim të mardhënieve me PD-në. Për të shmangur largimet e këshilltarëve dhe tretjen e brendshme LSI po tenton ti bëjë presion Partisë Demokratike për një marrveshje për zgjedhjet e ardhshme. Presioni më i fundit është I deputetit Përparim Spahiu, I cili në nëj emission televiziv deklaroi “Besoj se është moment mjaft i rëndësishëm që të shkohet në këtë marrëveshje, ose nëse s’ka marrëveshje ne të fokusohemi që LSI do kandidojë e vetme përsëri dhe besoj se jemi pak vonë për organizimin e zgjedhjeve të 2019”.
E akuzuar si një parti klienteliste familjare dhe totalisht korruptive LSI ka provën e zjarrit në zgjedhjet lokale të vitit të ardhshëm. Nëse analizohet gjendja politike e LSi, përveç çizmeve të Monës dhe deklaratave facebookiste të Vasilit nuk ka asgjë tjetër që e trazon mazhorancën.
Dokumenta dhe investigime të plota të cilat Boldnews i disponon tregojnë për eksponentë të lartë të LSI-së të përfshirë në biznesin e inceneratorëve dhe në ortakëri të tjera me aktorë potentë të shumicës aktuale.
E gjendur pa kryetarin e saj historik Ilir Metën i cili vendosi të vishte kostumin e Presidentit të republikës për të pasur një imunitet plus dhe dorën e tij në reformën në drejtësi LSi-ja po tenton të ngjitet pas opozitës duke u përpjekur të marë votat dhe aureolën e opozitarizmit.
Partia Demokratike pësoi një goditje të madhe në vitin 2013 kur LSI i gënjente votuesit e djathtë duke u thënë që do të jemi bashkë në qeverisje. Koha provoi që LSI u bashkua bashkë me Edi Ramën dhe Ilir Meta u bë shegerti i tij besnik së bashku me grupin e tij parlamentar.
Situata duket e njëjtë LSI po tenton të shpëtojë për shkak të PD-së. Votuesit e saj pragmatistë poi kin të gjithë tek rilindja e cila para ka plot moral ska por kjo nuk I pengon imoralët e LSI-së të shkojnë grup me rilindjen e Edi Ramës. Pjesa tjetër e votuesve të LSI-së sigurisht që do të shkojë në opozitë, por opozitë nuk mund të jesh kur ke në parti Terin e inceneratorëve apo shegertët e rilindjes.
Partia Demokratike duhet të ndahet të rrijë e qetë të kërkojë mbështetjen dhe të bëjë aleancë me qytetarët, me votuesit e saj të djathtë dhe me të djathtën tradicionale. Shegerto komunistët e LSI-së nuk mund ti japin asnjë forcë morale dhe politike opozitës në Shqipëri. Aq më tepër që LSi po përjeton ditët e saj të fundit si një forcë politike. Paraja, pushteti, korrupsioni dhe pragmatizmi që i mbante të bashkaur deri dje, sot sështë më. Nesër sigurisht me këto ritme nuk do të jetë më as LSI-ja.
