Grabitjet me dhunë, kryesisht ndaj çifteve të moshuar nuk kanë të ndalur në vendin tonë. Ngjarja e radhës është regjistruar paraditen e sotme në Gjirokastër. Sipas policisë lokale, viktimë e grabitjes ka rënë Liljana Ceribashi, e cila është dhunuar nga autori. Grabitësi i maskuar e ka kërcënuar me një thikë që mbante në dorë dhe i ka marrë dy telefona, disa bizhuteri dhe rreth 10.000 lekë.
Për disa minuta e ke dhunuar fizikisht që të tregonte vendin ku mbante paratë dhe i pakënaqur me shumën që ka gjetur e ka kërcenuar se do e vriste. Agresori nuk është mjaftur me kaq, por në dalje të banesës sapo ka hasur me kryefamiljarin e ka goditur edhe atë, duke u larguar me shpejtësi. Grabitje të tilla ku viktrimë bien çiftet e moshuar janë shtuar së tepërmi gjatë muajve të fundit, ndërsa zbulimi i autorëve ka qenë i papërfillshëm.
