Lëshohen pesë urdhër-arreste për deputetët e “Vetëvendosjes” në Kosovë, si të dyshuar se hodhën gaz lotsjellës gjatë punimeve të kuvendit. Mësohet se ligjvënësit Xhelal Sfelça, Fitore Pacolli, Drita Millaku, Salih Zyba dhe Liburn Alia pasi janë përjashtuar nga punimet e Kuvendit të Kosovës pritet që të arrestohen.
Për ta Prokuroria e Prishtinës ka lëshuar urdhër-arreste dhe pritet që pasi të dalin nga salla të shoqërohen nga ana e policisë. Gjatë punimeve në kuvend që në fillim të senacës së paradites ka pasur debate të forta dhe në kohën kur bëhej gati të votohej marrëveshja e demarkacionit me Malin e Zi, deputetët e Vetëvendosjes hodhën në sallë gaz lotsjellës.
Kjo ka bërë që të shtyhem punimet pas disa minutash, por për tre herë radhazi janë ndërprerë pikërisht për shkak të veprimeve të deputetëve.
