Vendoset nga gjykata masa e sigurisë “arrest me burg” për Dilaver Veshajn, 40 vjeç, pasi vrau me sëpatë kushëririn e tij Arben Veshaj. Ky krim makabër ka ndodhur mëngjesin e të shtunës në fashtin Gumenicë të Vlorës, ku mbeti i vdekur 37 -vjeçari Arben Veshaj.
Ngjarja ndodhi mëngjesin e të shtunës në momentin kur viktima, i cili merrej me bagëti, duke shkuar për në stanin e tij bashkë më djalin 7 vjeçar, ka kaluar në afërsi të stanit të kushëririt të tij dhe është sulmuar nga qentë. Në atë moment ai ka qëlluar më gurë drejt tyre për ti zmbrapsur. Vetëm pak çaste më pas kushëriri i tij Dilaver Veshaj ka nxjerë armën dhe ka qëlluar në drejtim të tij pa asnjë paralajmërim, por pasi nuk ka mundur ta vrasë më plumba, ka marrë sëpatën dhe e ka qëlluar atë disa herë në kokë duke e lënë të vdekur.
