Zbulohen kodet e përdorura nga 43 trafikantët e drogës që operonin në Shqipëri dhe Itali prej të cilëve 23 shqiptarë, të cilët janë arestuar pak ditë më parë në operacionin e koduar “shefi”.
Sipas hetimeve të kryera ka rezultuar se shqiptarët e përfshirë në këtë trafik, gjatë komunikimeve telefonike për të fshehur aktivitetin kriminal, e cilësonin drogën me epitetin si “makina, rrushi, punëtor, motorr, shishe birre, shishe uji, bluza, shezllone, persona, skeleri, birra”. Ata e shisnin kanabisin në tregun italian me vlerën 1400 euro kg, duke e transportuar si nga ajri, deti dhe rrugë tokësore etiketoheshin me termat “dokumentet, orë pune, punëtorë”.
Nga hetimet e Antimafias së Barit ka zbuluar se personi që koordinonte transportin e kanabisit nga Shqipëria drejt Italisë ishte Mariglen Shosha me rolin e furnizuesit. Që prej vitit 2016-2017 e deri në finalizimin e këtij operacioni në javët e para të mars 2018, këtij grupi kriminal i janë sekuestruar 2.3 tonë kanabis, 1 kg kokainë, sasi droge e cila nëse do të dilte në treg do të kishte një fitim prej 15 milionë euro.
Ndër përgjimet e komunikimeve mes trafikantëve ka rezultuar se ata përdornin këto etiketime “Vajza e bukur, më sill një kamion rrushi pa fara, bëj një kamion rrushi pa fara nga ajo e bardha”. Uniformat blu bëjnë me dije se vazhdojnë ende hetimet për të zbuluar nëse ka persona të tjerë të përfshirë në këto organizata kriminale.
