Grabitet me dhunë në banesë një çift bashkshortësh në qytetin e Peqinit. Ngjarja ka ndodhur mesnatën e së djelës rreth orës 01:30. Grabitësit janë futur në banesë të maskuar dhe kanë dhunuar kryefamiljarin me inicialet L.T., i cili është kambist i njohur i qytetit. Mësohet se ata janë kërcënuar me jetë nga tre persona të armatosur, dy prej tyre me kallashnikov dhe një me pistoletë. Grabitësit kanë mundur të marrin të gjithë shumën e parave që kishte në banesë kambisti dhe më pas janë larguar. Policia ka shkuar menjëherë në vendgjarje dhe ka marrë në pyetje çiftin ku u krye grabitja nga personat armatosur. Policia vazhdon hetimet për identifikimin dhe kapjen e autorëve të përfshirë në ngjarje.
Grabitet me dhunë në banesën e tij kambisti i Peqinit
Lajme të lidhura
TË GJITHA
