Sali Berisha është pa diskutim një nga personazhet e pakta shqiptare që ka shkruar epokë në këto 27 vite demokraci.
Por për herë parë parë pas kaq vitesh ai ka pritur një vizitë të veçantë në zyrën e tij. Vizitori i tij ka qenë as më pak e as më shumë se “Sali Berisha”.
Bëhet fjalë vetëm për një numër me karakter humoristik, i krijuar nga organizatorët e “Dance With Me”. Personazhi i fshehur poshtë ‘petkut’ të “Sali Berishës” ishte aktori Drilon Hoxha, i cili është edhe një nga konkurrentët e këtij edicioni të “Dance Whith Me”, shkruan Syri.net.
Driloni është bërë i famshëm pikërisht për imitimet e ish-Kryeministrit dhe ish-kryetarit të Partisë Demokratike.
Ish-Kryeministri ka uruar të gjitha shqiptarët për festa, si dhe të gjithë publikun e “Dance With Me”.
“Në radhë të parë doja të uroja të gjithë spektatorët e “Dance With Me” si dhe të gjithë shqiptarët. Dyshe si kjo s’ka parë bota, u shpreh lideri historik i së djathtës Berisha.
Takimi i Drilonit të maskuar si lideri historik i PD-së me Sali Berishën ka qenë i ngrohtë dhe i karakterizuar me shumë nota humori. Por gjithsesi aktori duket se fitoi një mbështetës të fortë në garën e kërcimin në “Dance With Me”, pasi Doktori ia shprehu simpatinë dhe mbështetjen për të dhe partneren Kristina Bakiu.
