Moska finalizoi sot një marrëveshje me Ankaranë për shtijen e sistemeve ruse të mbrojtjes antiajrore S-400.
“Konkretisht, kontrata ka hyrë aktualisht në fazën e saj të realizimit. Të gjitha parametrat, të gjitha teknologjitë dhe marrëveshja përfunduna”- deklaroi këshilltari i Kremlinit për bashkëpunimin teknik dhe ushtarak, Vladimir Kojine.
Ndërkohë që më herët, presidenti turk, Recep Tayyip Erdogan kishte njoftuar në shtator se Moska dhe Ankaraja kishin nënshkruar një kontratë për blerjen e sistemeve të mbrojtjes antiajrore S-400, njofton atsh.
Këto sisteme raketore të teknologjisë ruse nuk përputhen me ato të Aleancës së Atlantikut dhe ky njoftim u vërjet si një shfaqje e pakënaqësisë së presidentit turk për shkak të tensioneve me aleatët e tij Perëndimor.
Rusia është gjithashtu në bisedime me Arabinë Saudite për të shitur këtë sistem të mbrojtjes antiajrore.
