Pangopësia e shqiptarëve me seks, për Jashar Demirin, psikoterapeut, ka të bëjë me rrethana historike të caktuara që ata kanë kaluar.
Demiri theksoi, para pak kohësh në emisionin Opinion, se ndryshe nga shqiptarët e Shqipërisë, kosovarët kanë një traditë më të mirë, për vetë faktin, se nuk kanë qenë të shtrënguar me ca norma të kohës së komunizmit, por edhe të disa normave të tjera historike të trashëguara.
“Në atë kohë unë punoja me doktor Arqile Boti, rastësisht më pati rënë në dorë një libër, që Cvajg kishte shkruajtur për Frojdin dhe pata lexuar diku që thoshte se shumica e neurozave, thuajse të gjitha vijnë nga shtypja e libidos. Arqile pasi i dëgjonte,personat që kishin këto probleme, u thoshte martohu. I martuar jam-po martohu. Pra ishte ideja se je i martuar, por s’ke kryer marrëdhënie me bashkëshorten ”, tregoi Demiri.
Demiraj shtoi se të gjitha moshat e reja që vijnë për këto lloje problemesh, për shkak të ankthit, frikës së performancës, normave dhe shumë gjërave nuk e kanë provuar herën e parë dhe janë të virgjër si vajza dhe djem.
