Finalja e “Dance with me” është regjistruar dhe surprizat duket se po zbulohen dita-ditës. Pas incidenteve të ndodhura së fundmi në Parlament, bënë që spektakli të shtyhet për javën e ardhshme dhe këtë lajm e konfirmoi vetë moderatorja, Alketa Vejsiu.
Teksa të gjithë jemi në ankth për fituesin, është vetë Linda Rei e cila ka zbuluar se kush është fituesi. Ish-konkurentja, në një prej postimeve të saj në Instastory, ka bërë publik emrin e çiftit fitues.
Rei ka zbuluar se ashtu siç u përfol, kupën e DWM e ka rrëmbyer Xhensila me Trimin.
“Dhe fituesi është…prisni finalen për ta zbuluar”, shkruan Linda, duke ironizuar produksionin e spektaklit.
