Nuk e kishte menduar kurrë se do të fejohet me një futbollist, megjithatë tashmë një gjë e tillë i ka ndodhur. Por ajo i ka befasuar të gjithë kur i është bërë një pyetje me spec në lidhje me seksin para ndeshjeve, të cilës ajo iu përgjigj kështu, pasi i bëri një shkundje gjoksit të saj:
“Sigurisht që jam pro seksit para ndeshjeve – thotë Michela Persico, e dashura e lojtarit të Juventusit, Daniele Rugani, – se mos luaj unë në fushë”.
Në intervistën e dhënë për revistën e famshme italiane, “Chi”, gazetarja 26-vjecare zbulon disa nga detajet e jetës private dhe e bën një gjë të tillë me rastin e startit të programit televiziv “le Capitane”, i cili transmetohet çdo të premte në në “Spike Italia”, shkruan Syri.net.
A do të mjaftojë ëmbëlsia e saj për të bërë mbrojtësin e të Italisë të harrojë eliminimin e hidhur të kombëtares së tij nga Botërori Rusia 2018? Bukuroshja Persico e ka përshkruar kështu atë moment shumë të vështirë:
“Qaja dhe mendoja për ëndrrën e shuar të Danieles”. Nuk i mbajti dot lotët as Gigi Buffon, kapitani bardhezi dhe i Italisë, i cili po mbahej fort për krahut të ish-shokut të skuadrës, Bonucci.
Përveç Persicos në kastin e këtij programi televiziv janë edhe katër femra të tjera të lidhura aktualisht apo në të kaluarën me protagonistë të botës së futbollit. Bëhet fjalë për shqiptaren Erjona Xhemaili, gruan e mesfushorit shqiptar të Montreal Impact në Kanada; Silvia Slitti, gruaja e ‘Pazzo’-s së Veronës; Emilie, ish e dashura e sulmuesit francez të Romës dhe Milanit, Menez; Jessica Melena, gjysmës së ëmbël të sulmuesit të Lacios dhe Italisë, Ciro Immobile…
