Në Turqi është zbuluar një kështjellë antike në fund të liqenit Van. Pas dhjetë vjet kërkimesh në liqenin më të madh të Turqisë, një grup ekspertësh kanë zbuluar zemrën e një civilizimi të lashtë 3000-vjeçar.
Muret e kështjellës që është ruajtur në gjendje të mirë janë 3 deri 4 metër të lartë dhe zgjaten përreth një kilometër. Sipas studiuesve, fortesa e madhe mund të ketë qenë kryeqyteti i Urartu, një mbretëri antike e shekullit I Para Erës Sonë, që u shtri nga Siria deri në Kaukaz.
Qyteti fortesë shtrihej dikur pikërisht në brigjet e liqenit Van por ndryshimet drastike përgjatë mijëvjeçarëve e fundosën atë. Gjithashtu është zbuluar edhe një dysheme stalagmitesh prej 4 km katror, por studimet arkeologjike vijojnë dhe priten me padurim sekretet që janë mbyllur në brendësi të mureve të kështjellës./Klan Plus/
