Bleona është një ndër personazhet publik që preferon të ndajë me fansat ngjarjet që ndodhin në jetën e saj. Së fundmi, këngëtarja ndau me ndjekësit e saj në rrjetet sociale, se kishte marrë vendimin për të ngrirë vezët e saj.
Por ky vendim i këngëtarës është komentuar shumë në rrjetet sociale duke detyruar këngëtarët të japë një sqarim.
Një përdoruese e Instagramit shkruan: “Ti e dashur Bleona, mos mendo për të gjitha femrat, në 2017-ën, jemi të afta të evitojmë shtatzanitë e padëshiruara, pa këshillat e tua. profesioni yt nuk është mjeke gjinekologe. Unë të këshilloj të shkosh tek një psikolog i zoti. Nuk je fare në vete dhe jep mesazhe negative për vajzat që po rriten”.
Ky ka qënë komenti që ka detyruar këngëtaren të reagojë e revoltuar, duke shkruar: “O kafsha e egër e pyllit. Kjo procedurë nuk bëhet për të evituar shtatzaninë e padëshiruar, është pikërisht e kundërta. Bëhet pikërisht për të mos humbur mundësinë të bëhesh nënë nëse nuk ke partner dhe nuk ke jetë seksuale aktive dhe ke frikë se do të ngelesh pa fëmijë. Siç the dhe vetë, ti e paske zgjidhur problemin e shtatzanisë së padëshiruar prandaj vazhdo, puno fort. Injorante!”.
