Ishte kthyer në tmerrin e burrave të huaj që jetonin në Tiranë. Pasi i njihte, zbulonte gjithçka për jetën e tyre dhe pasurinë. Më pas ajo vinte në zbatim planin e saj të mirëstudiuar më parë.
Violeta Boçaj,kishte ndërtuar një skemë të re mashtrimi, për të gjithë burrat e huaj që njihte në kryeqytet.
Me secilin që takonte, Boçaj i premtonte martesë. Por, për të shkuar deri në këtë pikë, ajo më parë duhej të divorcohej. Për këtë qëllim i kërkonte burrit të radhës një shumë parash . “Do martohem me ty, por më duhen para të ndahem nga i pari”. Ishte kjo fjalia që përsëriste para çdo burri të ri që njihte.
Pasi merrte paratë dhe jepte premtimin se do të martohej me të, sapo të divorcohej me burrin që ishte martuar, Boçaj zhduke,j për të shkuar tek “preja” e radhës.
Kështu ajo vazhdoi deri sa mashtroi gjashtë shtetas të huaj. Shuma që i kërkonte çdo burri, ishte e ndryshme.
Mori prej tyre rreth 50 mijë euro.
Për këtë skemë mashtrimi, ajo u arrestua dhe më pas u gjykua nga Gjykata e Tiranës.
E pranoi akuzën, si para prokurorit, ashtu edhe në gjykatë, duke përfituar nga gjykimi i shkurtuar. Prokuroria kërkoi dënimin e saj me 12 vite burg. Gjyqtari Altin Abdiu e dënoi me 8 vite burg. Duke u aplikuar dhe gjykimi i shkurtuar, Violeta Boçaj do të qëndroi në burg, 6 vjet e 8 muaj.
TPZ.AL
