Deputeti i opozitës Agron Shehaj ka sulmuar në komisionin e Ekonomisë kreun e Komisionit Erion Braçen. Debati ka nisur në komisionin e ekonomisë gjatë diskutimit për projekt buxhetin e vitit 2018.
Deputeti i partisë Demokratike ka lënë vendin e tij i provokuar nga Braçe dhe i është drejtuar kreut të komisionit të Ekonomisë me tone të larta, duke i kujtuar këtij të fundit se ska punuar një ditë në jetën e tij. Braçe është përgjigjur me fjalorin e tij gati rrugaçëror.
Ndërhyrja e shpejtë personelit të gardës shmangu rrahjen fizike të deputetit Erion Braçe nga deputeti Agron Shehaj.
Pas këtij debati deputeti i PD Agron Shehaj është larguar nga mbledhja e komisionit të ekonomisë.
Kjo është e disata herë që Braçe provokon Shehajn nga pozita e kryetarit të komisionit të ekonomisë dhe nën mbrojtjen speciale të gardës së republikës. Kujtojmë që edhe në të shkuarën deputeti Braçe ka provokuar deputetë të tjerë, ndërkohë që kanë qënë të shumta rastet kur është goditur me pëllëmbë në sallën e Kuvendit të Shqipërisë.
