Shfaqja e “Victoria’s Secret Fashion” është organizuar në Shanghai ditën e djeshme por përveç paraqitjes së mrekullueshme, ky event është përballur edhe me incidente.
Modelja kineze, Ming Xi 28-vjeçe, ka kaluar një moment të sikletshëm si pasojë e rrëzimit në pasarelë, duke bërë që publiku të shqetësohej.
E veshur me kostum me ngjyre blu dhe ari, Ming është rrëzuar me fytyrë në tokë. Ming kishte veshur një palë çizme me takë të lartë, të cilat mund të kenë qënë shkak i këtij rrëzimi të tmerrshëm dhe të sikletshëm.
Pasi ka kaluar disa sekonda në shesh, ajo është ndihmuar nga kolegia e saj, Bruna Lirio 23-vjeçe. Ming nuk lejoi që ky incident të shkatërronte ditën e saj, ajo ia ka dalë të ruante gjatë gjithë kohës buzëqeshjen në fytyrë.
