Luana Vjollca pritet të nisë sonte emisionin e saj më të ri në Top Channel, ndërsa “beteja” për audiencë mes emisionit “Xing me Ermalin” në Tv Klan dhe emisionit të ri të Luanës “Shiko kush luan” ka nisur të vërehet që në fillim. Të dy emisionet do transmetohen në orar primetime duke ia bërë të vështirë teleshikuesve përzgjedhjen.
E mes dy moderatorëve Ermal Mamaqit dhe Luana Vjollcës, pak para fillimit të emisioneve ka plasur ‘sherri’.
Ermal Mamaqi ka postuar një foto në Instagram ku i shkruan fansave të mos harrojnë të ndjekin sot në 21:00 “Xing me Ermalin”.
“Janë të zënë sonte”, i komenton Luana ndërsa Ermali ja kthen: “Të lutem dil nga jeta ime, si munde. Ej, shiko javës tjetër po nuk e pate besdi ma jep mua atë fustanin e bardhë. Edhe unë kam ndjenja, edhe unë kam gjoks”.
