Vitaminat janë lëndë ushqyese që kanë funksione thelbësore në trupin e njeriut, duke përfshirë çlirimin e energjisë në qeliza. Ashtu si pjesa tjetër e vitaminave edhe vitamina D ka detyra specifike në trupin e njeriut, duke përfshirë rregullimin e nivelit të fosfatit dhe kalciumit të trupit dhe kështu duke kontribuar në shëndetin e dhëmbëve dhe kockave.
Perveç këtyre, sipas një studimi të ri nga Shkolla e Shëndetit Publik në Kolorado, vitamina D luan një rol edhe më jetësor për shëndetin tonë, sepse ka indikacione të forta që mund të eleminojë Diabetin e Tipit 1 i cili diagnostikohet në fazat e hershme të fëmijërisë kur prodhimi i insulinës dhe aftësia e trupit të fëmijës për të rregulluar nivelet e sheqerit në gjak është e pamundur.
Rezultatet e këtij studimi sugjerojnë se nivelet më të larta të vitaminës D në fëmijëri mbrojnë sistemin imunitar si dhe në parandalimin e sulmeve që i bëhen gabimisht prodhimit të insulinës, nga qelizat e pankreasit dhe kështu të pakësojnë zhvillimin e diabetit të tipit 1 te fëmijët.
Megjithëse studimet janë specifike për fëmijërinë, është jetësore që të merret një sasi e mjaftueshme e vitaminës D çdo ditë për të siguruar shëndetin e dhëmbëve dhe koskave gjate gjithë jetes tonë. Për të pasuruar vaktet me vitaminë D, duhet te konsumojmë sa më shumë peshk të yndyrshëm si ton, salmon dhe skumbri(peshk deti, gjysmë metri i gjatë, me ngjyrë blu të shkëlqyeshme dhe me vija të gjelbra), mëlçi viçi,te verdhat e vezëve, kërpudha shitake si dhe drithëra.
