Kungulli portokalli(Pumpkin)janë pjesë e familjes së kungujve dhe ata zakonisht janë të mëdhenj, të rrumbullakët dhe kanë ngjyrë të ndritshme portokalli dhe lëkurë të jashtme te lëmuar dhe vende vende pak te ashpër. Brenda kungullit ka fara dhe tul. Në gatim, kungulli është i tëri i ngrënshëm – lëkura, tuli dhe farat – vetëm duhet të hiqet ajo që mban farat të lidhura.
Përfitimet ushqyese të kungujve
Kungulli është një burim i madh i kaliumit dhe beta-karotenit, i cili është një karotenoid që konvertohet në vitaminë A. Ai gjithashtu përmban disa minerale duke përfshirë kalcium dhe magnez, si dhe vitamina E, C dhe disa vitamina B.
A është kungulli i mirë për një lëkurë të shëndetshme?
Pumpkin përmban vitamina C dhe E, si dhe beta-karotene, për të cilat është zbuluar se luajnë një rol të rëndësishëm në shëndetin e lëkurës sonë.
Vitamina C nuk prodhohet natyrshëm nga trupi dhe kështu është e rëndësishme që ta marrim nga ushqimii përditshëm, pasi ajo luan rol në formimin e kolagjenit, ndihmon në parandalimin e pucrave dhe ndihmon në shërimin e plagëve.
Vitamina E është një antioksidant i shkëlqyer dhe vepron së bashku me vitaminën C, duke ndihmuar në mbrojtjen kundër dëmtimit nga dielli dhe parandalimin e tharjes së lëkurës. Vitamina A, ose beta-karotina, gjithashtu është e përfshirë në mbrojtjen e lëkurës nga rrezet UVB të diellit dhe mund të ndihmojë në mbrojtjen nga djegiet e diellit, duke qenë se dielli është shumë i nevojshëm!
A është kungulli i dobishëm për shëndetin e syrit?
Një mungesë e vitaminës A është e lidhur me reduktimin e shikimit, ose te çon edhe deri ne verbëri. Beta-carotene, si dhe vitamina C dhe E, mund të ndihmojë në mbrojtjen e syve dhe të zvogëlojë rrezikun e sëmundjeve të lidhura me moshën.
A mund të ndihmojë kungulli në zvogëlimin e rrezikut të sindromës metabolike?
Sindromi metabolik është emri mjekësor për një kombinim të diabetit, obezitetit dhe presionit të lartë të gjakut, të cilat së bashku rrisin rrezikun e sëmundjeve koronare të zemrës si dhe atakut kardiak.
Një studim i vitit 2015 në Japoni zbuloi se ushqimet që përmbajne sasi të larta të karotenoideve, të cilat janë pigmente të gjetura në pemë dhe perime që u japin ngjyrën portokalli, të verdhë dhe jeshile, mund të ndihmojnë në parandalimin e zhvillimit të sindromës metabolike.
A mund të përmirësojë kungulli sistemin imunitar?
Siç tregohet nga ngjyra e tyre e ndritshme portokalli, pumpkins përmbajnë beta-karotene, e cila konvertohet në vitaminë A kur konsumohet. Hulumtimet kanë treguar se vitamina A luan një rol të rëndësishëm në përmirësimin e sistemit imunitar, nga të cilat rreth 80% janë në sistemin e tretjes. Hulumtime të mëtejshme sugjerojnë se ushqimet që përfshijnë vitaminën A, kanë një efekt të drejtpërdrejtë në funksionimin e sistemit imunitar.
A mund të ndihmojë kungulli në parandalimin e kancerit? Megjithëse nuk ekzistojnë ‘superfoods’ të cilët mund të parandalojnë kancerin dhe nuk ka fakte të sigurta që ushqime te caktuara shkaktojnë kancerin ka prova që të hahen ushqime të shëndetshme mund të zvogëlohet rreziku i kancerit.
Ka disa prova që sugjerojnë se vetitë antioksiduese të karotenoideve, vitaminës A dhe vitaminës E, dhe të gjitha keto gjenden te kungulli, mund të mbrojnë nga kanceri i gjirit. Ka patur edhe hulumtime në rolin e karotenoideve në uljen e kancerit të mushkërive, por deri më tani kjo nuk ka rezultuar statistikisht e vërtetë.
