A do të dekretojë qeverinë “Rama 2”?! Meta: Do të konsultohem me këshilltarët!

Ili Meta përdori një gjuhë të ashpër gjatë fushatës elektorale ndaj PS, kryeministrit Rama por më shumë ndaj disa emrave bashkëpunëtorë të tij. Meta arriti deri aty sa tha se “nuk do të dekretonte një qeveri të dalë nga zgjedhje të manipuluara dhe ministra të lidhur me kanabizimin e vendit”. Me këtë Meta “shigjetonte” në atë kohë ish-ministrin e Brendshëm Saimir Tahiri.  I pyetur nga gazetari Sokol Balla në një intervistë në emisionin “Top Story”, mbi këtë deklaratë Meta dha një përgjigje diplomatike. “Nga unë do të prisni vendime kushtetuese, institucionale dhe transparente. Është një përgjigje diplomatike? Më duhet që edhe të konsultohem me këshilltarët sepse kam vetëm pak orë që kam marrë detyrën” – tha Meta.