Kryeministri Edi Rama e ka pranuar hapur se për 4 vjet është qeverisur me tepsinë, një nocion për ndarjen e pushtetit e futur në fushatën elektorale të këtij viti nga vetë kreu i ekzekutivit.
Në emisionin “Të paekspozuarit” në News24 Rama tha se është një sistem pervers që duhet të rrëzohet dhe ndaj kërkon ndihmën e shqiptarëve pasi vetëm nuk mund ta bëjë.
Ju kërkoni tepsinë për vete?
Mënyra si funksionon është kjo. Mbaron zgjedhjet dhe kur partia e parë nuk i ka numrat fillon negociatat me partitë por në bazë të programit. Por ti më thua nëse vij duhet të pranosh 1-2-3 pika të programit. Këtu nuk funksionon kështu.
Kur e keni kuptuar ju këtë punën e tepsisë?
Që ditën e parë kur mbas zgjedhjesh jemi detyruar të bëjmë këto muhabete. Unë s’kam vajtur fare kam angazhuar njerëz.
Pra 4 vjet ke qeverisur me tepsi?
Patjetër mo… Lëri këto. Të lutem shumë.
E ke ditur që herën e parë?
Sigurisht që e kam ditur. Është një sistem pervers.
