Hans Joachim Falenski, këshilltari i grupit parlamentar të CDU-së së Angela Merkel, bashkë me Walter Gloss, kanë vizituar Shqipërinë për të mbëstetur programin ekonomik të Partisë Demokratike. Dy zyrtarët gjermanë janë pritur nga deputetja demokrate Albana Vokshi, teksa kjo e fundit u ka prezantuar edhe programin për Njësinë Nr. 7 në Tiranë.
Falenski dhe Gloss kanë vlerësuar programin e Vokshit për zonën e saj duke e konsideruar si efikas dhe të realizueshëm. Dy zyrtarët gjermanë kanë kanë dëgjuar edhe disa nga shqetësimet e banorëve të Njësisë nr. 7 si dhe kanë dhënë eksperiencën e tyre sesi mund të zgjidhen problemet e karakterit ekonomik.
Pas Tiranës, këshilltari i Angela Merkel, Hans Joachim Falenski vizitoi edhe qytetin e Durrësit dhe Kavajës, ku ishte pjesëmarrës në takimet e organizuara nga Partia Demokratike. Teksa u njoh me programin qeverisës të PD, Falenski tha se ky program funksionon çdo ditë në Gjermani, krijon vende pune, dhe do funksionojë edhe në Shqipëri.
“Qeveria Rama duhet të ikë dhe kjo është më e thjeshja dhe më e mira. Socialistët nuk mund të bëjë ekonomi dhe nuk mund të menaxhojnë para. Kjo qeveri nuk ia ka arritur dhe nuk e ka bërë këtë. Partia Demokratike në bashkëpunim me Partinë Kristian-Demokratike Gjermane dhe me Fondacionin Kondard Adenauer ka hartuar këtë program ekonomik. Ky program siguron një ekonomi të fortë dhe më shumë vende pune. Partia Kristian-Demokratike Gjermane së bashku me Angela Merkelin e vërtetojnë cdo ditë që ky program funksionon dhe cdo ditë krijohen vende të reja pune. Prandaj ju them që ky program funksionon ndaj na besoni ne dhe i besoni Lulzim Bashës. Shkoni votoni me 25 Qershor. Ju thoni të gjithë miqve dhe të njohurve tuaj të shkojnë të votojnë. Votoni për ndryshimin e qeverisë dhe do hyni më shpejt në Europë”, tha Falenski.
https://www.facebook.com/559294428/videos/10155505352524429/
