Nga Nertil Agalliu
Lulzim Basha në orët e fundit ka rritur dozën e sulmeve ndaj LSI-së. Në takimet e fundit që ka zhvilluar në Berat dhe Sarandë Basha në mënyrë të drejtëpërdrejtë ka shigjetuar Lëvizjen Socialiste për Integrim.
“Ka ikur koha sa andej-këtej” – është shprehur Basha, “koha bli këlysh dhe shit qenë”. Po të kthehemi pas në kohë, dikur marrëdhëniet e Bashës me LSI kanë qenë të shkëqlyera. Më pas nisi dhe ftohja, por jo në atë masë sa Lulzim Basha sot të etiketojë LSI-në, duke i bërë thirrje qytetarëve të mos e votojnë, pasi para marrëveshjes me PS, Bsha nje sy e vesh e mbante nga LSI.
Shkaku nuk është se Meta apo LSI, kanë artikuluar ndonjë fjalë kundër lidershipit Basha, apo pse Meta takohet me doktorin dhe jo me Bashën. Lepuri fle diku tjetër, aty ku Basha e frikësohet më shumë, te votat e djathta që LSI mund tja rrëmbejë në këto zgjedhje
Shqetësimi i Bashës është mëse real, pasi LSI është një parti pragmatiste, dhe po të shohim mënyrën sesi ka nisur kjo fushatë, kredencialet e PD, për të ardhur në pushtet janë jo dhe aq të mëdha, dhe vota e djathtë mund të vrapojnë te LSI, duke ditur se kjo forcë mund të jetë sërish në pushtet.
Një tjetër shqetësim në terren është fakti se LSI po punon fort në terrenin e PD-së, pasi qofshin militant të Partisë Demokratike, por edhe ata të përjashtuar të cilët kanë mbetur në opozitë, dhe duan të sistemohen diku në postet lokale.
Lulzim Basha, sot i mbylli derën LSI, duke e përjashtuar si mundësi koalicioni pas zgjedhjeve, por kjo nuk ka të bëjë fare me koalicionin, por me rrjedhjen e votive të djathta drejtë LSI, dhe po shikohet cdo ditë e më qartë se beteja më e madhe e këtyre zgjedhjeve nuk po duket PS-PD, por PS-LSI.
Lulzim Basha nuk ka frikë se LSI ,nesër i merr ndonjë pjesë të tortës pasi është gati të bashkëqeverisë që sot vetëm që ai të ulet në postin e kryeministrit, por Basha e ka kuptuar qartë se LSI, përvec votave të majta, po gllabëron më shpejtësi dhe vota të djathta, me sloganin e saj “Një shans për të gjithë”.
Këtë shans e kanë edhe demokratët që të cilëet në bazë më mirë provojnë shansin e LSI, sesa të presin edhe katër vite të tjera për të prekur përsëri pushtetin .Të nëjtin hall ka edhe PS, së cilës i konvenon lëvizja e fundit ë liderit të PD, pasi në fund të fundit të dyja këto parti kanë një mik dhe armik të përbashkët LSI-në.
Shqetësimi i Bashës është real, rënia e peshës së PD, në këto zgjedhje do të jetë fatale për të, pasi ai duhet të luftojë në kaq pak ditë. Po të shohim edhe mitingjet e Partisë Demokratike në disa qytete është e habitëshme që ka mungesë të theksuar pjesëmarrësish, edhe të njerëzve brenda tij, të cilët presin që Partia Demokratike të dal më keq në këto zgjedheje se ne vitin 2013-të.
Prandaj më shumë se kurrë sot, Lulzim Basha duhet kuptuar se slogani “Një shans” për të gjithë i drejtohet drejtëpërdrejtë partisë së tij.
Boldnews.al
