Të paktën 140 pjesëmarrës në mitingun e opozitës u paraqitën në urgjencën e QSUT në orët e para të mëngjesit të sotëm me simtoma helmimi që dyshohet se është shkaktuar nga një lëndë ende e pa përcaktuar. Dispa prej tyre u shtruan në spital pasi paraqitën komplikacione, ndërsa të tjerët pas mjekimit ishin në gjendje të mirë shëndetësore. Për ngjarjen reagoi Presidenti i Republikës, Partia Socialiste dhe kreu i PD, i cili ishte një nga personat që u paraqit në spital me të njëjtat simtoma. Reagimet e forta për ngjarjen detyruan prokurorinë të nisi një hetim për zbardhjen e shkaqeve të helmimit. Menjëherë u formua një grup hetimor, pjesë e të cilit janë ekspertë mjeko-ligjorë, oficerë të policisë gjyqsore dhe ekspert të ushtrisë shqiptare. Këta të fundit u përfshinë në hetimin e çështjes, pasi është i vetmi institucion që mund të analizojë lëndët kimike.
Sipas të dhënave të para rezulton se asnjë prej institucioneve të tjera shqiptare nuk mund të përcaktojë natyrën e lëndës së përdorur në mitingun e djeshëm të Partisë Demokratike. Ajo që konfirmohet është se të gjithë personat që kanë shfaqur këto simtoma kanë qenë në një distancë prej 2-3 metra larg podiumit ku mbajtën fjalmiet të pranishmit. Në këtë situatë, gjithë vëmendja është përqëndruar tek ekspertët e ushtrisë shqiptare, të cilët mund të kryejnë analizat për natyrën dhe llojin e lëndës që dëmtoi 140 persona. Por pavarësisht situatës alarmant, Ministria e Mbrojtjes vijon të ketë prioritare fushatën elektorale. Ministrja Kodheli dhe stafi i saj i ngushtë ishin dje në disa takime elektorale në qarkun e Kukësit, pasi znj.Kodheli është kryesuesja e listës së PS në këtë qark. Në një situatë të tillë, as zëdhënësia e Kodhelit nuk ishte në gjendje të jepte informacione për çka kishte ndodhur, pasi gjithë vëmendja ishte përqëndruar në fushatën elektorale, ku nuk munguan takimet as ditën e diel.
Tashmë Ministria e Mbrojtjes duhet të sqarojë çfarë ka ndodhur në mitingun e Partisë Demokratike. Çfarë shkaktoi dëmtimin e 140 pjesëmarrësve në takim? A kanë përfunduar analizat e këtyre lëndëve në laboratorët e Forcave të Armatosura? Cilat janë rezultatet e tyrë? Përse ministrja dhe stafi i saj që kanë detyrë të bëjnë transparencë sidomos në situate të tilla, nuk kanë asnjë informacion se çfarë po ndodh me këtë çështje? E në këtë situatë, natyrshëm lind pyetja: A po manipulon Ministria e Mbrojtjes helmimin e opozitës? Shpjegimi i fundit që duhet të jap znj.Kodheli dhe stafi i saj: Çfarë automjetesh dhe burimesh financiare po përdor për fushatën elektorale në qarkun Kukës?
