Letra e dorëheqjes e Armando Prengës nuk ka shkakuar vetëm debate, por edhe ironi.
Lidhur me dorëzimin e mandatit nga ana e Prengës, deputetja e PD-së, Liljana Elmazi, përmes një statusi në Facebook, ka ironizuar me fjalët: “Armando, aman mos ik pa votuar edhe Vettingun”.
Elmazi vijon komentin duke theksuar se duhet falenderuar Armando Prenga, pasi sipas saj, “nuk iku pa votuar reformën në drejtësi. I dha votën e 140 asaj në parlamentin që po e dekriminalizojmë”.
“Sikur të rrinte të votonte dhe vetingun! Madje, pa votën e 140-të të Prengës, ndërkombetarët, përfshi ambasadorët, nuk do të ishin mrekulluar aq shume nga ajo që arritën vetë”, shton ajo.
Sipas Elmazit të gjithë deputetët, përfshi dhe të inkriminuarit, votuan reformën në drejtësi. “Dhe këtu, ka meritë dhe Prenga! Sikur të kishte votuar dhe vettingun, pastaj të ikte!! Sa keq! Vetingu nuk do marrë voten e një të inkriminuari të Ramës, e mbyll komentin e saj Elmazi.
