Droni i ngritur mbi kryeministri nga të rinjtë demokratë me mesazhin për zgjedhje të lira, nuk ishte e vetmja “surprizë” që prodhoi sot çadra e protestës.
Në mesditë, rutinën e përditshme të protestuesve e kanë “prishur” edhe dy turistë koreanë, që me sa duket ishin vizitorë të rastësishëm në çadër, por që qëndruan gjatë aty.
Gazetarja Elda Menga bën me dije për “BalkanWeb” se dy turistët janë befasuar nga protesta dhe kanë përfituar të bënin foto me kë të mundnin. Ata kanë qenë mjaft të entuziazmuar nga grupimi i madh i njerëzve, por me sa duket nuk e kanë kuptuar që aty protestohet dhe aq më pak arsyet pse protestohet./BalkanWeb/
