“Kjo është mbështetja kuptimplotë që Europa i jep kauzës së zgjedhjeve të lira dhe të ndershme”. Kështu është shprehur kreu i demokratëve, Lulzim Basha pas mesazheve të forta që ndanë me të pranishmit në protestën e PDsë, Paul Ziemak kreu i forumit rinor të CDU gjermane dhe kryetari i Unionit të të rinjve të djathtë në Europë, Javier Hurtado Mira.
Lulzim Basha pohoi se PD do të vijojë betejën e saj deri fitore.
“Ky mesazh është besim i madh që investohet tek kjo lëvizje, pasi unë jam ushtar i kësaj lëvizje deri në fitore. Ky është një mesazh për të gjithë ata që janë sot në ballë të kësaj beteje, të kësaj përballje. Nesër do jenë ata që do kenë në dorë fatin e vendit. Mesazhi që vjen sot nga miqtë tanë gjerman dhe spanjoll është i madh. zgjedhje të lira dhe të ndershme është kusht i panegocueshëm. I dëgjuat mesazhet mbështesë nga Europa? Që vjen nga e gjitha bota? Nuk do e lëshojmë këtë betejë deri në fitore. Kampionët e lirisë janë me ne. Faktet janë me ne. Shumica e shqiptarëve janë me ne, Zoti është me ne. Fitorja është e juaja, e shqiptarëve, e Shqipërisë”, tha Basha.
