Trupi i pajetë i 47-vjeçarit, Jani Vrushaj, i cili u kthye nga Greqia që në datën 6 shkurt dhe askush nuk e pa më të gjallë, u nxorr në breg nga prurjet e lumit Osum.
Mësohet se ishin banorët e zonës në afërsi të fshatit Tapi, në rrethin e Kuçovës, të cilët mesditën e sotme kanë parë në breg të lumit trupin e pajetë dhe menjëherë kanë kërkuar ndihmën e policisë.
Sakaq ekspertët hetimorë mbërritën menjëherë në vendin e ngjarjes, ku u bë idetifikimi i trupit të pajetë që sipas familjarëve rezulton të jetë Vrushaj, i cili u kthye nga Greqia gati tre javë më parë, por që nuk mbërriti kurrë i gjallë pranë të afërmve.
Më 9 shkurt, familjarët e tij dhanë alarim se babai i dy fëmijëve ishte kthyer nga emigrimi, ku jetonte prej vitesh sëbashku me bashkshorten dhe dy vajzat, por nuk shkoi në banesën e vjehrrit të tij në fshatin Poshnje, ashtu siç dhe kishte njoftuar.
Familjarët zbuluan gjurmë të tij në breg të lumit Osum në Bashkinë e Urës Vajgurore dhe në datën 10 dhe 11 shkurt nisën kërkimet për gjetjen e trupit të pajetë, por pa rezultat.
