Këshilltarja demokrate në Bashkinë e Tiranës, Reila Bozdo, reagoi sot ndaj kërkesës së Policisë së Tiranës për të proceduar penalisht kryetarin e Partisë Demokratike, Lulzim Basha, për thirrjet e tij në protestën e opozitës.
Dje, Basha u bëri thirrje protestuesve që të reagojnë në rast se cenohen nga pushteti, duke u thyer xhamat, shpuar gomat e makinave dhe duke i nxjerrë zvarrë nga zyrat.
Por në reagimin e saj Bozdo bën ironi duke shkruar se zbulohet arsyeja përse kryebashkiaku Erion Veliaj i ka fiksim gurët dhe gomat e makinave.
“Ne nje program televiziv, Erion Veliaj tha se i ka fiksim guret e medhenj dhe gomat e makinave qe zene hapesira publike. (Nga cfare kemi pare deri tani, kemi kuptuar qe kioskat qe zene trotuare nuk i ka problem…)
Keto foto mund te na zbulojne arsyet nga buron fobia e Erionit ndaj gureve dhe gomave te makinave. (21 Janar)”, shkruan ajo në një postim në Facebook, të cilit i ka bashkangjitur edhe këto imazhe të 21 janarit 2011.
