Zgjati më shumë se 1 orë takimi mes protestuesve të Zharrëzit dhe zv/Kryeministrin Niko Peleshi, lidhur me dëmtimet e banesave të tyre.
Mësohet se gjatë takimit, 7 përfaqësuesit që ishin në takim me Peleshin e quajtën pozitive frymën e bisedimeve dhe paraprakisht u ra dakord që disa ekspertë do të verifikojnë dëmet për të përcaktuar dëmshpërblimet.
Banorët theksuan se nuk do të largohen nga sheshi para Ministrisë së Energjetikës dhe do të qëndrojnë aty deri sa të kenë marrë personalisht aktet e ekspertimit.
Teksa thanë se nuk do t’i bashkohen çadrës së opozitës në bulevard.
Javën e ardhshme është rënë dakord që të ketë një tjetër takim mes tyre dhe Qeverisë.
Dhjetra banorë të Zharrëzit mbërritën sot në Tiranë pas një maratonte prej 4 ditësh ecje në këmbë nga fshati i tyre deri në kryeqytet.
Banorët kërkojnë dëmshpërblim për shtëpitë që u janë dëmtuar, sipas tyre, nga shpërthimet e stimuluara nga kompania e naftës “Bankers Petroleum”, e cila kërkon për naftë në zonë.
