Kreu i Partisë Demokratike Lulzim Basha tha se do do ta zhvillojnë seancën plenare të ditës së sotme në çadrën e protestës.
Në mungesë të një reagimi nga mazhoranca për kërkesën e opozitës për qeveri teknike, Lulzim Basha adresoi një ftesë ndaj të gjithë deputetëve të Kuvendit për t’iu bashkuar protestës.
Përjashtim tha ai, bëjnë 19 deputetët me rekorde kriminale.
“Grupi parlamentar i Partisë Demokratike do ta zhvillojë seancën parlamentare këtu me qytetarët. Deputetët e opozitës do të jenë të gjithë këtu, këtu është vendi për çdo deputet tjetër të majtë që nuk është i lidhur me krimin, që nuk i ka borxh këtij populli. I siguroj që qytetarët, jo vetëm demokratët, do ti respektojnë nëse do të jenë pjesë e këtij parlamenti të vërtetë. Të vetmit që nuk janë të ftuar në këtë tendë dhe mos tu shkojë mendja ti afrohen këtij parlamenti popullor janë 19 deputetët me rekorde kriminale. Ata nuk kanë vend këtu”, tha Basha.
