Ish-kryeministri, Sali Berisha, mori sërish fjalën para protestuesve të opozitës nga ku lëshoi akuzua të forta në drejtim të kryeministrit Rama, si të lidhur me botën e narkotrafikut.
Berisha madje e ka cilësuar Ramën si kryebandit dhe vrasës serial.
“Për herë të parë në memorjen time që institucione të mëdha ndërkombëtare publikisht thanë se PD kanë te drejtë që braktisi Parlamentin. Ato imponuan kryebandiditin. Se Shqipëria ka banditë dhe vrasës serialë. Sepse është ky, sepse është ky që familjarisht është i lidhur me bosët e kokainës, është ky që ka të vëllanë e tij shofer të Genc Xhixhës, bosin e kokainës së Xibrakës, është ky ai që injoron, ai që mban në Parlament Mark Frrokun.
Ky që përdor të gjithë forcën e shtetit për të mbrojtur një hajdut ordinier, një vrasës si Armand Prenga, i cili shkon dhe qëllon në komisariat. Është ky dhe jo lloj tjetër që liron “Hakmarrjen për Drejtësi” të cilën e dënoi drejtësia, kur socialistët ishin në pushtet. Është ky kryebandit dhe vrasës serial që Konstandini që Luiza e Zonjës Makbeth pasi ekzekutoi 4 të rinj, djem nënash, pasi kishte vrarë një, një vit më parë, e hoqi nga dënimi përjetë”, tha Berisha.
Sipas tij “beteja me krimin është beteja më e vështirë, më e rrezikshme, por absolutisht me guximin tuaj, ai bëhet pluhur se çdo gjë tjetër”.
