Deputeti i PDIU-së, Aqif Rakimi reagoi sot lidhur me kërkesën e Prokurorisë për t’i marrë shenjat e gishtave për verifikim në kuadër të ligjit të dekriminalizimit.
“Sot u njoha nga shtypi siç ndodh rëndomë këto 3 – 4 muajt e fundit, që Prokuroria e Përgjithshme ka kërkuar vazhdimin e verifikimeve për personin tim…
Në mënyrë të përsëritur po ju deklaroj që jam i hapur për çdo hetim dhe se nuk kam asgjë për të fshehur, i bindur në pastërtinë time…
Kërkoj që ti jepet sa më shpejt fund këtij verifikimi nga Prokuroria e Përgjithshme, sepse nuk është normale përfolja ime prej muajsh në media dhe opinion publik, duke shpresuar që të mos bëhet pjesë e lojërave politike”, shkruan Rakipi.
