Deputetja e Partisë Demokratike, Dhurata Çupi, tha se roli i grave në protestën e opozitës është i jashtëzakonshëm, pasi sipas saj, ato janë të rebeluara nga kjo qeveri.
“U pa një numër i lartë i grave në protestë dhe në çadër dhe kjo reagon se gratë janë të rebeluara nga kjo qeverisje. Zgjedhjet e lira dhe të ndershme i kërkon gjithë shoqëria jo vetëm PD. Basha është lideri i 500 mijë qytetareve që morën pjesë në protestë. Asnjë qytetar nuk është kundër zgjedhjeve të lira dhe të ndershme. Në zgjedhjet e vitit 2013 u zhgënjye çdo qytetar. Me Ramën dhe me ketë qeveri nuk ka zgjedhje të lira dhe të ndershme. Protesta tregoi se qytetarët duan të mbrojnë veten. Sot jemi kthyer në 20 shkurtin e vitit 1990”, tha deputetja e PD për “News 24”.
