Partia Demokratike deklaron se protesta e paralajmëruar për nesër do të nisë në orën 12:00 dhe nuk ka të përcaktuar orar përfundimi.
Po ashtu, Partia Demokratike hedh poshtë çdo insinuatë të dalë në media me burime anonime, sikur do të ketë skenar për të provokuar Policinë.
Ky është reagimi i menjëhershëm i PD-së pas lajmeve që u shfaqën në disa media se Policia e Shtetit po merrte masa për protestën e opozitës më 18 shkurt pasi kishte njoftime nga burime të saj se mund të krijoheshin trazira dhe të provokohej Policia.
