Pas letrës së ministrit të Drejtësisë, Petrit Vasili për ngritjen e një strukture të re për Reformën në Drejtësi, presidenti Bujar Nishani i ka nisur një letër kërkesë Kuvendit të Shqipërisë, në lidhje me bordin e Operacionit të Monitorimit Ndërkombëtar, institucion që nuk është parashikuar në ndryshimet e miratuara nga deputetët.
Në këtë letër të nisur kreut të Kuvendit, Ilir Meta dhe krerëve të grupeve parlamentare, Presidenti Nishani kërkon informacion në lidhje me këtë zhvillim që nuk ishte i parashikuar.
“Më detyron mua të parin si President i Republikës dhe të gjithë organet dhe strukturat e parashikuara në Kushtetutë, të zbatojnë në Kushtetutë, të zbatojë drejtpërsëdrejti Kushteturën, gërmë për gërmë”, shkruan Presidenti Bujar Nishani në letrën e tij drejtuar Kuvendit.
Letra e plotë:
Shqetësimi i Vasilit
Në letrën e dërguar nga Vasili theksohet se konsensusi i arritur në 21 korrik kishte të bënte me vëzhgues ndërkombëtarë ekspertë të ligjit me jo më pak se 15 vite eksperiencë, ndërsa nuk ka qenë i parashikuar krijimi i një bordi të tillë menaxhues.
“Në të gjitha dispozitat qoftë kushtetuese apo ligjore nuk ka asnjë përcaktim mbi ngritjen e një Bordi të Menaxhimit të ONM. Në komunikimin e datës 7 shkurt 2017, janë caktuar 3 ekspertë të vendeve anëtare të Bashkimit Europian dhe 2 ekspertë të SHBA. Caktimi i këtyre ekspertëve është në respektim të plotë të kërkesave të Kushtetutës dhe ligjit sa i takon proçesit të rivlerësimit kalimtar të gjyqtarëve dhe prokurorëve, pasi këta do të jenë organi i ngarkuar që so të realizojnë vëzhgimin e pavarur”- thuhet ne leter.
Sipas Vasilit, fryma e Kushtetutës parashikon tërheqjen e ekspertizës ndërkombëtare më të mirë që do të monitorojë vettingun e gjyqtarëve dhe prokurorëve dhe jo përfshirjen politike të përfaqësuesve ndërkombëtarë, siç e quan ai krijimin e këtij bordi.
Syri.net
