Një aksident i rëndë rrugor ka ndodhur mbrëmjen e sotme në Vlorë, ku një automjet ka dalë nga rruga duke përfunduar në një gropë të hapur nga ndërtimi i Bypassit në këtë qytet.
Ngjarka ka ndodhur në orët e mbrëmjes, ku nga të dhënat paraprake mësohet se makina
tip Benz me targë AA 730 PH ka përfunduar në kanal, që është hapur gjatë punimeve për ndërtimin e autostradës.
Brenda në makinë ndodheshin dy persona, ndërsa ka mbetur i plagosur drejtuesi i mjetit, 34-vjeçari me inicialet L.B, i cili ndodhet jashtë rrezikut për jetën.
Nga hetimet e para bëhet e ditur se shkak për aksidentin është bërë mungesa e sinjalistikës për punimet në rrugë. Policia e mbërritur në vendin e ngjarrjes ka nisur hetimet.
Një aksident i tillë për shkak të mungesës së sinjalistikës, i mori jetën muaj më parë Kristi Panajoti 17 vjeç, pasi automjeti me të cilin ai udhëtonte ra në një gropë, që ishte hapur nga punimet e Lungomares, dhe ku mungonte sinjalistika.
