Ministri i Brendshëm Saimir Tahiri zhvilloi një mbledhje urgjente pasditen e sotme në Drejtorinë e Policisë së Tiranës me drejtorin e përgjithshëm të policisë Haki Çako dhe drejtorin e Tiranës Ervin Hodaj.
Burime nga policia thanë se janë identifikuar autorët e grabitjes së 3.2 milionë dollarëve në rrugën e Rinasit më 9 shkurt.
RENEA dhe FNSH zhvilluan aksion sot në disa pallate në zonën e Vorës dhe Prezës pas informacioneve të marra.
Policia dyshohet se ka gjetur vendin ku u strehuan autorët pas grabitjes. Emrat e të dyshuarve nuk janë bërë publik.
