“Dashuria e gabuar” i kushtoi shumë shtrenjtë një burri në Tiranë

1 vit e gjysmë burg i ka kushtuar një burri nga Tirana, dëshira për të patur lidhje me një grua, nënë e dy fëmijëve.

TCH raporton se , i ka kushtuar jo pak, por një vit e gjysmë burgim, Alban Hadërit nga Tirana.

Për më shume se 8 muajsh ai ka përndjekur një grua, për ta detyruar që ajo të krijonte lidhje intime me të. I pandehuri Haderi nuk është ndalur edhe përballë faktit që gruaja ishte e martuar dhe me dy fëmijë.

“Prej 8 muaj e në vazhdim,  ky person më ndjek nga pas dhe kërkon me çdo kusht që unë të krijoj lidhje intime me këtë person. Unë jam munduar ta sqaroj dhe t’i bëj me dije se unë jam grua e martuar, kam 2 fëmije të mitur dhe të më lëri të qetë  por personi sërish nuk bindet. Unë jam drejtuar disa herë në polici ku dhe kam depozitur kallëzim penal ndaj këtij shtetasi por ai nuk merr  vesh”, është shprehur në dëshmi gruaja e përndjekur.

LEXO EDHE  Diplomati shqiptar për Zërin e Amerikës: Në Shqipëri ka devijim të demokracisë

Insistimet e të pandehurit shkuan deri në atë pikë saqë për të detyruar gruan të pranonte lidhjen, i ka thyer xhamat e banesës. Ky akt frikësoi më shumë të përndjekurën e cila iu drejtua policisë me një denoncim, që mundësoi edhe arrestimin e Alban Hadërit.

Gjatë hetimit dhe gjykimit ai pranoi akuzën. Në fund gjykata nisur nga shqetësimi dhe ankthi që i ka shkaktuar nënës së dy fëmijëve e dënoi me 1 vit e gjysmë burgim.

PËRGJIGJU

Please enter your comment!
Please enter your name here