Identifikohet gruaja shqiptare, e cila plagosi sot me thikë djalin e saj 7-vjeçar e më pas u hodh nga kati i 8-të i banesës ku jetonte me familjen e saj në Torino të Italisë. Ajo ka gjetur vdekjen e menjëhershme.
Bëhet fjalë për shtetasen shqiptare Elida Zero. Elida jetonte në rrugën “Bologna”, në lagjen e populluar Barriera di Milano së bashku me burrin e saj italian dhe dy fëmijët.
Fëmija i plagosur, Joeli, u transportua në spitalin pediatrik ”Regina Margherita” me plagë në bark dhe gjoks dhe disa lëndime në duar, që duket se i ka marrë gjatë tentativës për t’u mbrojtur, raporton ANSA.
Aktualisht, vogëlushi është në sallën e operacionit. Raportohet se gjendja e tij konsiderohet e rëndë, por jo kërcënuese për jetën.
Në banesë, në momentin e tragjedisë ka qenë edhe burri i viktimës dhe djali tjetër.
Policia, që po heton incidentin, ka shoqëruar në komisariat burrin për ta marrë në pyetje. Sipas fqinjëve, buri italian i ka kërkuar të ndahen gruas shqiptare.
Elida, sipas informacioneve të para, vuante edhe depresioni dhe nuk e ka përballuar dot idenë e ndarjes.
