Zbulimet e fundit arkeologjike pranë Torrës Veneciane në Durrës, që kanë dalë në pah gjatë punimeve për ndërtimin e Velierës, ka shqetësuar banorët e qytetit të cilët kërkojnë nga Bashkia, ruajtjen e këtyre vlerave antike.
Duke parë tentativat e Vangjush Dakos për të derdhur aty betonin e kompanive të tij në kuadër të zhvatjes së 6 milionë eurove të taksapaguesve, i ka irrituar sëtepërmi qytetarët durrsaktë të cilët kanë vendosur të rebelohen ndaj këtij vendimi.
Për këtë arsye në mënyrë krejt qytetare ata do ti drejtohen nesër protestës masive që do të mbahet në sheshin kryesor të qytetit përballë Prefekturës në orën 12.00. Përgjatë gjithë natës organizatorët e këtij tubimi kanë shpërndarë në të gjithë qytetin njoftimin e protestës e cila siç thuhet edhe në ‘traktin’ që kërkon që punimet të ndalohen pasi:
“1. Ndërtimi në zonën arkeologjike është e Ndaluar.
2. Strukturat prej betony mbi 3 metra dhe të paçmonuteshme janë të ndaluara.
3. Themelet mbi muret dhe varret historike janë hedhur duke shpuar me sondë dhe derdhur beton midis mureve dhe varreve të zbuluara”.
Për këtë arsyes organizatorët e protestës kërkojnë që të gjithë të bashkohen për të kërkuar mbrojtjen e mureve dhe topave të zbuluar, si dhe shpalljen e tyre monument kulture.
