Rreth 2 milionë euro u grabitën sot nga automjetet e blinduara që transportonin paratë e një banke të nivelit të dytë.
Sipas informacioneve të reja, dy makinat që u gjetën të djegura në urën e Limuthit nuk janë automjetet që u përdorën për grabitjen e parave.
Autorët ishin me dy fuoristrada në momentin që i zunë rrugën makinave të blinduara dhe u larguan pasi morën thasët me para. Ndërsa makinat e djegura nuk janë fuoristrada, por autovetura.
Hetuesit dyshojnë se kjo skemë është përdorur nga anëtarët e bandës kriminale për të spostuar vëmendjen dhe për t’u larguar në një tjetër drejtim.
Ndërkohë, në vendngjarje ndodhen forca të shumta policie, ndërsa nga ajri po patrullohet me helikopter. Deri tani nuk ka asnjë informacion rreth vendndodhjes së mundshme të grabitësve.
