Policia e Tiranës ka nisur arrestimet në lidhje me grabitjen e 2 milionë eurove në rrugën e Rinasit nga makinat e një banke.
Janë pikërisht 5 punonjësit e policisë private që po transportonin paratë të cilët janë arrestuar. Pesë punonjësit e policisë private janë arrestuar për akuzën e shpërdorimit të detyrës. Policia dyshon se ata nuk kanë vepruar sipas procedurave standarde në momentin e grabitjes edhe pse kanë qenë të armatosur.
Në videot amatore të qytetarëve që filmuan momentet e grabitjes nga autorët e armatosur, njëri prej policëve privatë dëgjohet teksa bërtiste se “i ka çuar shteti”.