George Clooney dhe bashkëshortja e tij, Amal po presin të bëhen prindër të binjakëve.
Ky lajm tashmë është zyrtar dhe është konfirmuar.
“Kur George dhe Amal e kanë kuptuar se po presin binjakë ishin të surprizuar, por edhe pak të frikësuar sepse të dy kanë besuar se një fëmijë është mjaftueshëm. Por, lajmi se ata do të bëhen prindër të një vajze dhe të një djali janë gëzuar pa masë”, ka thënë një burim i afërt me çiftin.
Avokatja e njohur e të drejtave të njeriut, Amal ishte paraqitur me bark të fryrë në fotografitë e saj të fundit dhe kjo kishte ngjallur thashetheme se ajo është shtatzënë.
Ditë më parë, një burim i afërt me të dy kishte thënë se çifti janë në pritje që të bëhen prindër të një vajze dhe të një djali, por kjo nuk ishte konfirmuar deri tani.
Çifti janë fejuar në muajin prill të vitit 2014 derisa ishin kurorëzuar në Venice të Italisë në muajin shtator.