Kreu i LIBRA-s, deputeti Ben Blushi kishte sot një dhuratë për kryeministrin Edi Rama dhe ministrat e tij nga populli i Zharrzës.
Por nga foltorja e seancave plenare, Blushi tha se bidoni me ujë të ndotur që banorët e këtij fshati pinë çdo ditë, nuk është lejuar të futet brenda në Kuvend nga ana e punonjësve të Gardës.
‘’Më parë se një muaj e gjysmë më parë isha Zharrëz të cilët herëpashere edhe sot që flasim kanë organizuar grevë urie. Ata jetojnë në mënyrë të skllavëruar nga ajo që një kompani bën me mbështetjen e shtetit. Ata pak kohë më parë shpresuan te një komision had-hoc me shpresën se do bëhej diçka. A e dini çfarë? Ky komision nuk u mblodh asnjëherë.
Zharrëza nuk është braktisur vetëm nga qeveria po edhe ju kur ishit në pushtet (i drejtohet opozitës në Parlament). Është braktisur edhe nga televizionet të cilët mbushin me naftën e Zharrzës makinat e tyre. Shpimet e puseve të naftës shkaktojnë tërmete 3-4 ballë. Uji i tyre është i ndotur dhe ne morëm me vete një bidon me ujë për t’ia treguar kryeministrit dhe ministrace. E mori zonja Mimoza Hafizi po për fatin e keq të grevistëve bidonin me ujë e mori garda’’, tha Blushi gjatë fjalës së tij në foltoren e Parlamentit.
“Pini ujë nga Zharrëzi se bëheni njerëz më të mirë”, e mbylli fjalën e tij Ben Blushi.