Deputetja demokrate, Albina Deda, solli në vëmendje në seancë plenare rastin e transmetuar mbrëmë në emisionin investigativ “Stop”, ku një infermier denoncoi kushtet e mjerueshme në Urgjencën e Tiranës.
“Nëse ti e pushon nga puna Frrok Bardhin, do të përballesh me mua këtu dhe gjithë të tjerët”, u shpreh deputetja duke iu drejtuar ministrit të Shendësisë, Ilir Beqjes.
I menjëhershëm ishte reagimi i ministrit. Ai u shpreh se bëhet fjalë për një akuzë të rëndë.
“Deklarata e mbajtur është jashtëzakonisht e rëndë. Do kërkoja që çdo deputet të distancohet nga kjo që u tha këtu”, tha ministri.
