Pasi u mësua se një foshnje ka vdekur sapo ka lindur mbrëmjen e djeshme në maternitetin “Koço Gliozheni”, në kryeqytet, reagojnë bluzat e bardha të këtij spitali.
Sipas mjekëve të spitalit, foshnja ka lindur e vdekur, raporton Syri.net.
Megjithatë, pritet ekspertiza e trupit të foshnjes për të zbardhur ngjarjen.
Më herët policia tha se ka çuar dosjen në prokurori për mjeken gjinekologe me inicialet M. R., sepse në orën 19:00, në maternitetin “Koço Glozheni”, gjatë lindjes së M. M., ka vdekur foshnja e gjinisë femër.
Pas kësaj është sekuestruar kartela e pacientes dhe pritet akti i ekspertizës mjekoligjore për të përcaktuar shkakun e vdekjes së foshnjes.
