Policia franceze ka vënë në pranga 5 menaxherë hotelesh, pasi dyshohet se i përkasin një rrjeti kontrabandistësh që trafikonte shqiptarë për në Britani të Madhe, raporton “DailyMail”.
Raportohet se 5enaxherët e hoteleve u prangosën gjatë një operacioni të madh policor që u zhvillua në qytetin port Calais.
Policia franceze tha se emigrantët ilegalë shqiptarë strehoheshin në disa hotele dhe më pas niseshin në mënyrë ilegale drejt Anglisë.
Të arrestuarit dyshohet se ishin bashkëpunëtorë të kontrabandistëve që trafikonin shqiptarë.
Rrjeti i trafikantëve garantonte kalimin në mënyrë ilegale drejt Britanisë kundrejt një tarife prej 5 mijë Euro deri në 10 mijë Euro.
Sakaq të arrestuarit do të dalin para gjykatës ditën e premte.
