Racizmi grek ka arritur kulmin këto kohë. Pas dënimit të ushtarëve shqiptarë në ushtrinë greke që dolë në foto me simbolin e shqiponjës të formuar me duar, ka ardhur edhe një tjetër vendim i pabesueshëm nga ana e Greqisë.
Autoritetet greke kanë vendosur që të kthejnë në Shqipëri, një adoleshent i cili është fotografuar duke bërë shqiponjën me duar përballë flamurit grek. Fillimisht fotoja ka bërë xhiron e internetit dhe më pas autoritete janë vënë në kërkim të adoleshentit.
Fotoja mësohet se është bërë në portin e Paxos dhe fillimisht ishte hedhur në Facebook-un e adoleshentit. Pasi u gjet nga autoritetet greke, policia ka vendosur ta kthejë atë në Shqipëri.
Sipas policisë greke ai kishte hyrë në mënyrë të paligjshme në vend dhe për këtë arsye është kthyer, por në realitet duket se fakti që i adoleshenti është kthyer ka të bëjë më shumë me foton që ka realizuar përballë flamurit grek.