Ka nisur rrëzimi i murit në veriun e Mitrovicës. Për prishjen e murit po punojnë dy eskavatorë.
Veprimi vjen pasi Qeveria e Kosovës dhe Komuna e Mitrovicës Verore nënshkruan marrëveshje për ta hequr këtë mur dhe ndërtuar një shëtitore për këmbësorë.
Ky muri shtoi tensionet mes Prishtinës dhe Beogradit. Madje në debatet për prishjen apo vazhdimin e ndërtimit të tij u përfshinë edhe SHBA e BE. Aq sa edhe marrëveshja u arrit me ndërmjetësimin e ambasadës amerikane dhe asaj të Bashkimit Europian në Prishtinë.
Muri nisi të ndërtohej në në fund të vitit të kaluar pikërisht kur pritej të hapej kalimi në rrugën mbi lumin Ibër, i bllokuar për disa vjet.
Muri u konsiderua si një tentativë tjetër e Beogradit për ta ndarë Mitrovicën dhe për ta mbajtur veriun nën influencën e tij, larg autoritetit të Prishtinës.
